U principi picciriddu

 

 

(libera traduzione in siciliano de “Il piccolo principe” di Antoine de Saint-Exupéry)

Capitulu primu

Tantu tempu fa, quannu avia appena sei anni, ‘nto libru chi parrava da furesta, chi si chiamava “I storie da natura”, visti un disegnu veramenti beddu.
C’era un serpente boa mentri s’inghuttiva n’animali.
Cà c’è na copia di ’stu disegnu.

C’era scrittu: i boa, s’inghiuttunu animali, tutt’ interi, senza mancu masticalli.
Poi, siccomi non si rinesciunu a moviri, dommunu p’i sei misi, così rinesciunu a diggeriri megghiu.
Pinsai assai a ‘st’avventura di ‘sta giungla.
E allura, puru iò fici u me primu disegnu.
U me disegnu numeru unu. Era accussì:

Musstrai u me capolavoru a chiddi ‘ranni, e ci dumannai si u disegnu li spaventava.
Mi dissiru: “spaventare? E picchì mmai, unu sava spaventare ‘pi un cappeddu?”
Ma u me disegnu, non era un disegnu d’un cappeddu.
Era un disegnu d’un boa, chi diggeriva n’elefante.
E allura, appicchì putissiru vidiri chiddu chi era, fici u disegnu di tutt’u boa.
Ai ‘ranni, bisogna diccilli i cosi pi faglieli capiri.
U me disegnu numeru due. Era così:

‘Sta vota, mi dissiru di lassari perdiri u boa, sia fora chi dintra e pensari a geografia, a storia, all’aritmetica e a grammatiica.
E fu accussì, che a sei anni, iò rinunciai a chiida chi sarebbe potuto essere a me carriera gloriosa di pitturi.
I ‘ranni, non capisciunu nenti da suli e i picciriddi, si stancunu tutti i voti a diciri ogni cosa.
Allora, sciglii ‘na professione, e m’insignai a pilotare gl’areoplani.
Volai supra tuttu u munnu: e a geografia mi fu utili.
Tuttu d’un coppu, sacciu distinguiri a Cina dall’Arizona, e se unu si peddi ‘nta notti, tuttu ‘stu sapiri è di grandi aiutu.

Canuscia tanta genti importante `nta me vita, e pi´ tantu tempu stesi in mezzu ai `ranni.
I canuscìi propriu d´intra e i vaddai da vicinu.
Ma chiddu chi pensu diddi, è sempre a stissa cosa.
Quannu `ncuntravo a unu chi mmi pariva megghiu, ci faciva vidiri u disegnu numero uno, chi sabbai sempre cu´mmia.
E allura, ciccava di capiri si era na persona cumprensiva.
Ma tutti, omini e fimmini, dicivunu sempri: “E´ un cappeddu”
E allura, nun parrai di boa, di forest primitivi, di stidde.
Mi mittia o so livello. Ci parrava di bridge, di golf, di politica, di cravatte.
E iddu era cuntentu d´aviri cuntratu un omu tantu sensibbili.

Capitolu secunnu

Così, passai a me vita sulu, senza parrari cu nuddu, fino a sei anni fa, quannu mi succidiu un incidenti cull’aereo, ‘nto desertu du Sahara. Si rumpiu cacch’osa ‘nto muturi, e siccomi ‘un avia cu mmia nè un meccanicu , nè passeggeri, ciccai di riparari da sulu u muturi.
Era un fattu di vita e di morti, picchì avia acqua pi ‘na settimana.
A prima notti, mi addurmintai ‘nta sabbia, mille miglia da qualsiasi casa. Mi sintia più isolatu d’un marinaio abbandunatu ‘ntall’oceano, supra na zattera, dopu un naufragiu.
Vi immaginati a me meravigghia di sentirmi svegliatu all’alba da una vucina: “Mi disegni , pi ffavuri, ‘na pecura?”
“Cosa?”
“Disegnami ‘na pecura.”
Mi iazzai in pedi comu si m’avissi pigghiatu un fulmini.
Mi sricai l’occhi tanti voti e mi vaddai attentamenti tuttu intornu.
E vitti ‘na strurdinaria pessoncina chi mi stava vaddandu cu tanta serietà.

Accà, putiti vidiri u megghiu ritrattu chi riniscia a ffari diddu, cchiù taddi.
Ma u me disegnu, è menu affascinanti du modellu.
A cuppa ‘un è mia però. Cu lu scoraggiamentu di ‘ranni, quannu avia sei anni, a me carrera di pitturi, ‘un ‘mparai a disignari serpenti boa di dintra e serpenti boa di fora.
Ora vaddaa fissu l’improvvisa apparizione cu l’occhi fora dall’orbita.
Aviti a pinsari chi mi truvava a milli miglia da qualsiasi reggioni abbitata, eppuri u me umettu’un parria smarritu ‘nto mezzu da sabbia, ne tramortitu da fatica, o pa fami, o pa siti, o pa paura.
Quannu finalmenti potti parrari, ci dumannai: “Ma chi ffai accà?”
Comu risposta, mi ripitiu lentamenti comu si fussi ‘na cosa importanti: “ Pi ffavuri, mi disegni ‘na pecura?”
Quannu i cosi sunu accussì, non si pò discutiri.
Pi quantu mi parria assurdu, a mille miglia di ogni abbitazione umana, e cu periculu da morti, pigghiai ‘nta sacchetta un fogghiu di carta e a pinna stilografica.
Ma poi, mi vinni ‘nta testa chi i me studi si erunu concentrati ‘nta geografia, ‘nta storia, supra l’aritmetica e supra la grammatica e allura ci dissi, un po’ arraggiatu, chi ‘un sapia disignari. Mi rispunniu:
“’ ‘un m’interessa. Disegnami ‘na pecura…”
‘un n’avia mai disignatu ‘na pecura e allura fici pi iddu unu di chiddi disegni chi aviva fattu tanti voti: chiddu du boa da dintra; e mi meraviggiai di sentirmi dire: “No, no, no! ‘un vogghiu l’elefanti dintra u boa. U boa è assai periculusu e l’elefante, troppu ingumbranti. Unni vivu iò, tuttu è picciriddu. Mi sevvi ‘na pecura: disegnami ‘na pecura”.
Fici u disegnu.

U vaddò pibbeni e mi dissi: “No! ‘sta pecura è malaticcia. Fammini nautra.”
Fici nautru disegnu.

U me amicu si misi a rridiri gentilmenti, cu tanta indulgenza,
“U poi vidiri puru tu,” disse, “ chi cchista ‘un è ‘na pecura.
E’ un ariete. Avi i conna.
Rifici u disegnu a terza vota, ma fu rifiutatu com’allautri.

“Chista è troppu vecchia. Vogghiu ‘na pecura chi pò viviri tantu.
‘sta vota, a me pacenza avia finutu, vulia rimettiri a postu u me muturi.
Fici un quartu disegnu.
E dissi ‘sti cosi:
“Chista è sulu a so casetta, A pecura chi vulivi, sta caddintra.”

Mi meravigghiai a vidiri u visu du me giudici picciriddu chi s’illuminò. “Chistu è proprio chiddu chi ciccava.
Pensi chi ‘sta pecura ava bisognu di tanta erba?
“Picchì?”
“Picchi unni vivu iò, è tuttu picciriddu…”
“ Ci sarà abbastanza ebba pi idda, è molto picciridda a pecura chi ti desi”
S’abbassò supra u disegnu:
“Non così picciridda chi – oh vadda! – si misi a dommiri…”
E fu accussì chi cunuscia u principi picciriddu.

Capitulu terzu

Ci mittii un saccu di tempu pi capiri a unni vinissi.
U principi picciriddu, chi mi facia ‘na dumanna dopu l’autra, pariva chi mancu mi sintissi.
Accussì, quannu visti pa prima vota u mme aeroplanu, (‘nu disegnu picchì è trppu complicatu pimmia), mi dummannau
Chi è chista?”
’un è na cosa –vola. E’ ‘na aeroplanu. U mei”
Iò era tantu fieru di fargli sapiri chi vulavu.
E allura, gridò:
“Accomm’? Cadisti du cielu!”
“Si”, arrispunnii mudestamenti.
“Ah! Chista iè buffa…”
E u principi picciriddu si misi a rridiri, tantu chi mi siddiai.
Non vogghiu essiri babbiatu supra i me disgrazii.
E poi ricuminciò: “Allura, puru tu veni du cielu! Di quali pianeta si?”
Visti ‘na luci, ‘nto misteru da so presenza e ci ddumannai tuttu d’un coppu:
“Tu veni di nnautru pianeta?”
“Non mi dissi nenti, Si misi a moviri a testa e vaddò l’aeroplanu.”
“Certu chi cu’chiddu non poi veniri da troppu luntanu…”
E si misi a pinsari.
Poi, tirannu fora da sacchetta a pecura, si misi a vaddari u so tesoru.
Potiti immaginari comu iò fussi curiusu di chidda mezza confidenza supra “ll’autri pianeti”.
Ciccai di dumannarci qualchi autra cosa:
Da unnì chi veni, omu picciriddu? Aunni iè a to casa? Aunni vo puttari a pecura?
Mi rispunniu dopu tantu pinsari:
“Chiddu chi c’è di bbonu, iè ca cassetta chi mi dasti, servirà comu a casa ‘pa notti.
“Certu: E si si bbonu, ti dugnu puru ‘na codda pi ligari a pecura ‘nto ionnu. E un palettu.”
A me proposta, scannalio u principi picciriddu.
“attaccarla” Chi buffa idea! “
“Ma si ‘un l’attacchi, andrà in giru e si pirdirà…”
U mei amicu, si misi arridiri:
“Ma unni voi chi vva!”
“Di tutti i mensi. Dirittu davavti a idda…”
E u principi picciriddu mi dissi:
“’Un fa nnenti, è talmenti picciriddu da mia!”
E cu ‘na picca di malincunia, forsi, dissi ancora:
Davanti a iddu, ‘n si po’ annari tantu luntanu…”

Capitulu quartu.

Seppi così ‘na cosa assai importanti”
Chi u pianeta unni nasciu era pocu chiù ranni di ‘na casa.
Sapia chi oltri ai pianeti ranni comu a Terra, Giove, Marte, Venere a ccui si desi un nomi, ci ni sunnu ancora centinaia ancora chhiù picciriddi chi si vidunu appena cu telescopiu.

Quannu ‘n’astronumu scopri unu di chisti, ci dugna pi nomi un numuru.
Pensu veramenti chi u pianeta a unni veni u principi picciriddu iè l’asteroide B612.

‘stu asteroide, fu vistu ‘na sula vota da ‘n’astronimu turcu.
Fici allura ‘na ranni dimostrazioni da so scuperta a un Congressu Internaziunali d’Astronomia.

Ma coni si usava, nuddu u presi sul seriu. I ranni sunnu accussì.

Fortunatamenti, p’a reputazioni d’asteroide B612 un dittaruri turcu imposi o populu soi, sinnò i mazzava, di vestiri all’europea.

L’astronumu rifici a dimostrazioni ‘nto 1920, cu ‘n’abitu eleganti.
E ‘sta vota tuttu u munnu fu cu iddu.
Si vi cuntu tanti particulari sull’asteroide B612 e si vi dissi u numiru, iè propiu pi ranni chi amanu i cifri.
Quannu ci parrati di un nuovo amicu, mai si interessanu e cosi essenziali.
Nuddu dumanna mai: “Quale iè u tonu da so vuci?
Quali sunnu i so giochi preferiti? Colleziona farfalli? “
Ma vi dumannunu: “Chi età avi? Quanti frateddi? Quantu pisa? Quantu guadagna so padri? “ Sulu allura pensanu di cunuscillo. Se vui diciti ai ranni:

“Visti ‘na bedda casa cui mattuni rosa, cui gerani ‘nta finestra e chi culumbi supra u tettu” iddi ‘n’arrivanu a immaginarla.
Bisogna diri: “Visti ‘na casa di centomila liri” e allura dicinu: “Comu iè bedda”.
Accussì si vui ci diciti: “ ‘a prova chi u principi picciriddu esisti, è chi è tantu beddu, chi ridiva e chi vuliva ‘na pecura.
Quannu unu voli ‘na pecura, è a prova chi esisti”
Bè, iddi iazzirannu i spaddi e vi trattirannu comu picciriddi.

Ma si vui inveci ci diciti: “ U pianeta da unni viniva è l’asteriode B612, allura si cunvinciunu subutu e vi lassunu in paci cu i dumanni.
Sunnu fatti accussì. Non bisogna pigghiaririssa.

I picciriddi, hannu a esseri indulgenti cu i ranni.

Ma certu, nuiautri chi capemu a vita, nuiautri chi nun c’importa di numiri!
M’avissi piaciutu cuminciari ‘stu raccontu comi ‘na storia di fati.
M’avissi piaciutu diciri:
“C’era ‘na vota ‘n principi picciriddu chi viveva supra un pianeta pocu chiù ranni di iddu e avia bisognu di un amicu… “
Pi chiiddi chi capisciunu a vita, sarebbe statu chiù veru.

Picchì ‘un mi piaci chi u me libru si leggi alla leggera. E’ un dispiaciri ranni pimmia confidari ‘sti ricordi.Sunnu già sei anni chi u me amicu sinnannau ‘ca so pecura e iò cercu di non mu scoddu.
E’ tristi scuddarisi di n’amicu.

E pozzu puru iò divintari comu i ranni chi pensanu sulu ai cifri.
Ed iè pi cchistuchin cattai ‘na scatula cui culuri e cui matiti.
Non è facili disignari a me età, quannu ‘un si ficiru iautri tentativi chi chiddu du serpenti boadi fora, e du serpenti boa d’intra e all’età di sei anni.
Cercherò di fari ritratti chi si ssumignano tantu.
Ma ‘un sacciu si ci rinesciu.
Un disegnu va beni ma l’autru ‘un sumighia pi nennti.
Mi sbagghiu puru sull’altezza.
Accà, u principi picciriddu è troppu ranni.
Là è troppu picciriddu. Sbaghiu puru supra u culuri du vistitu.
E allura, tentu e tintennu, beni o mali.
Eè a fini, mi sbagghierò supra i particulari importanti.
Ma chistu bisogna chi mu pidduninu.

U me amicu ‘un mi dava mai spiegazioni. Forsi cridia chi iò fussi comu a iddu.
Iò, sfortunatamenti, ‘un sapia vidiri i pecuri attraversu a cassa.
Può darsi chi iò sugnu comi i ranni.
Sugnu invicchiatu.

——–

traduzione in siciliano a cura di Arthur, (nella foto) il quale ci ricorda che

***  Chiddu chi ccunta, ‘un si pò mai vidiri! (*) ***

(*) Che nell’originale di Antoine de Saint-Exupéry è il celeberrimo “L’essenziale è invisibile agli occhi…”

—–

Nella foto sotto, Arthur da grande (je piacerebbe…)

54 commenti